KABUPATEN KLATEN, 18 Jan 2022

Sugeng sonten Bapak Ganjar Pranowo. Mugi-mugi berkah saha katresnan Allah tansah lumeber dhumateng bapak dalah sedaya kulowongso. Dalem Hardiyana, saking Dukuh Gajihan, Desa Pandeyan, Kecamatan Jatinom, Kabupaten Klaten, Jawa Tengah. Dalem kaliyan warga Dukuh Gajihan sampun watawis setunggal taun swadaya merawat warisan cagar budaya wonten dukuh dalem arupi: sisa-sisa batu candi diperkirakan zaman Mataram Kuno, Belik Pitu Ki Ageng Gribig, kaliyan pohon purba ingkang salah satunggaling pohon puniko Randualas. Miturut tutur sesepuh, Randualas puniko papan kangge nyancang Gajah sakwekdal Kanjeng Sultan Agung tindak Jatinom. Bapak Ganjar, ngantos dinten puniko dalem pribadi mbakohi kemajengan saha swadaya masyarakat. Sampun telas kirang langkung 50 an juta. Mbok menawi Bapak reno ing penggalih nyuwun dukunganipun kangge kelajenganipun pembamgunan cagar budaya Gajihan. Kaliyan satunggal bapak, menopo memungkinkan dalem nyuwun setunggal Gajah dipun rawat wonten lokasi Cagar Budaya Gajihan. Wekdal kampanye Ibu Bupati Klaten tindak ten Desa pandeyan, dalem kasuwun damel proposal. Sampun dipun damel dipun tapak asmani Pak kepala desa kaliyan Ibu Camat. Inkang nguciwani dalem angsal jawaban saking Ibu camat sak sampunipun setunggal tahun, proposal boten dipun setujui. Rikolo semanten proposal 300 juta kangge ngrampungaken pemugaran. Matur nuwun sanget, mugi mugi Gusti tansah amberkahi kita sedaya. Matur nuwun. Hardiyana